Verðskrá Golfklúbbsins – Golfklúbburinn

GOLFKLÚBBURINN·MÁNUDAGUR, 20. SEPTEMBER 2021

VERÐSKRÁ GOLFHERMA:

Staðarreglur: Kynnið ykkur staðarreglur hér að neðan. Með því að bóka tíma í aðstöðu Golfklúbbsins þá samþykir þú þá skilmála sem er að finna í þessu skjali.

Fullt verð á klukkustundin er kr. 6.000kr. (4.200kr. fyrir meðlimi). Veittur er afsláttur á rótíma, verð þá er 4.000kr. (3.500kr fyrir meðlimi. Rótími er mánudaga til fimmtudaga frá opnun til 16:00 og til 14:00 á föstudögum (sjá staðarreglur).

Gjaldið er fyrir einn golfhermi í eina klukkustund. Hægt er að bóka heila og hálfa tíma. ATH. eftir kl. 17:00 er bókað í 1,5 klst. minnst og sama gildir á rauðum dögum (eða skv. ákvörðun Golfklúbbsins).
Síðasti hálftíminn er 25 mínútur (áminning um að hleypa þeim sem á eftir koma að á réttum tíma).
Allt að átta manns geta verið í einum golfhermi á sama tíma.
Fjórir vanir kylfingar þurfa um þrjár klukkustundir til að leika 18 holur, þrír kylfingar um 2,5 klst. og tveir um 1,5. ATH. Golfklúbburinn selur ekki 18 holur eða 9 holur. aðeins tíma.
Dæmi: Fjórir kylfingar sem bóka þrjár klukkustundir á prýðistíma greiða 18.000kr. eða 4.500kr. (1500kr. á klst.) á mann. Meðlimir greiða 3.150kr.
Dæmi: Meðlimur sem leikur með með fjórum í þrjár klukkustundir á rótíma er að greiða 750kr á klst.

Golfklúbbsaðild. Meðlimir fá 30% afslátt af fullu verði í herma, árgjaldið er 20.000kr. – sjá nánar hér að neðan.

Fastir tímar. Hægt er að bóka fasta tíma fram í tímann. Veittur er 20% eða 25% afsláttur, eftir fjölda tíma. Greiða þarf fasta tíma við bókun eða eigi síðar en fyrsta tíma. Til að bóka fasta tíma á 20% afslætti þarf að bóka minnst 3 klst. í 10 skipti fyrir áramót eða 14 skipti eftir áramót, þeir sem bóka vikulega fá 25% afslátt. Meðlimir fá 5% auka afslátt af sínu gjaldi.
Dæmi: 4 kylfingar bóka fasta tíma fyrir áramót, 3 klst. í senn hálfsmánaðarlega eða 8 skipti. Gjaldið er 108.000 eða 33.750 á mann (32.062 fyrir meðlim) eða 1.125kr. á klukkustund á mann.

Æfingatímar. 30 mínútur á æfingasvæði (ekki hægt að bóka) 1.500kr. og hægt er að kaupa 10 skipti saman á 1.200kr tímann. Meðlimir greiða 1.000kr á rótíma og 1.250kr. á prýðistíma. Ath. að jafnaði er ekki hægt að bóka æfingartíma (í öllum tilfellum er slík bókun víkjandi).

Hópatilboð. Þrír eða fleiri hermar bókaðir í þrjár klukkustundir eða meira og að einn aðili sé ábyrgur fyrir bókun og úttekt. Afsláttur er veitur af veitingum. Leitið frekari upplýsinga, sendið póst á golf@golfklubburinn.is og við verðum í sambandi. Afboða verður með þriggja daga (72klst.) fyrirvara.

Geymsla. Hægt er að geyma golfsett hjá Golfklúbbnum. Gjaldið er 5.000kr. (sept./maí). Meðlimir greiða ekkert. Ath. þó að gert sé ráð fyrri að aðeins kylfingar sem eiga búnað í geymslu og starfsmenn gangi um kylfugeymslur þá er ekki tekin ábyrgð á munum.

Happy hour. Það er alltaf gleðistund í Golfklúbbnum og þær eru allskonar. Gjafabréf, klippikort eða aðrar samningsgreiðslur gilda ekki þegar Happy Hour tilboð eru í gangi, nema þá gegn fullu verði. Athugið: Afslættir gilda ekki með öðrum tilboðum.

FÉLAGSGJALD

Ársgjald í Golfklúbbnum 20.000. Innifalið í árgjaldinu er:

Afsláttur af tímum (af fullu verði) meðlims 30%
Rótímaverð 3.500kr. (mán. til fim. til kl. 16:00)
5% aukaafsláttur af fyrirfram greiddum föstum tímum (aðeins af hluta meðlims)
Æfingasvæði á rótíma 1.000kr. og 1.250kr. á prýðistíma (ekki hægt að bóka).
Geymsla á golfsetti.
Afslættir meðlima gilda aðeins fyrir meðliminn (þ.e. ekki fyrir aðra sem kunnu að vara í samfylgd meðlims).
Nýtt tímabil hefst 15. september. og gildir til 14. september næsta árs.

Staðarreglur og aðrir skilmálar

Gott er að mæta tímalega, þannig nýtir þú tímann þinn best.
Tímar eru á heilum og hálfum tíma.
Golfklúbburinn er veitingastaður, þú kemur ekki með nesti.
Verið í hreinum og þurrum skóm. Ekki koma í golfskóm með tökkum. Ekki fara í blautum skóm í herminn.
Þú notar hreinan búnað (kylfur, skó, bolta). Hægt er að þrífa búnað hjá okkur, ef svo ber undir.
Þú notar aðeins hreinan heilan (ekki skorinn eða rispaðan) bolta sem ekki hefur verið skrifað (tússað) á. Við seljum golfbolta á lágu verði.
Galdurinn er í mjöðmunum.
Rótími er ekki í gildi á frídögum (rauðum dögum) eða öðrum þeim dögum sem Golfklúbburinn ákveður t.d. frá Þorláksmessu til nýárs og í kringum páska.
Greiðslu staðfestingargjalds getur verið krafist við bókun.
Sé tími ekki afbókaður með tilskyldum fyrirvara áskilur Golfklúbburinn sér rétt til þess að innheimta fullt verð fyrir tímann.
Bókaður tími er keyptur tími. Hægt að afboða tíma ef það er gert með meira en 48 klst. fyrirvara. Fastir tímar sem eru afboðaðir í tíma, er hægt að endurbóka í samráði við Golfklúbbinn innan tímabils.
Ekki nota 56° gráðurnar í full högg nema þú sláir hann nægilega lágt til þess að hitta tjaldið, hvað þá kylfur með meira lofti (hærri gráður). Hermarnir þola um 38° gráðu kylfurhorn, sem á að duga fyrir högg með allt að 60° kylfu. Almenna reglan er: Ef þú slærð upp í loft þá bakkar þú um kylfu – nú eða bætir sveifluna þína 🙂
Mundu að þú ert að leika í golfhermi, hlutirnir eru ekki alveg eins og þegar leikið er úti. Hermirinn aðlagar sig ekki að þér, þú þarft að læra á hann.
Ef starfsmaður óskar þess að kylfingur noti ekki ákveðna kylfu eða slái af lægra tíi þá skulu gestir virða það. Slík ósk er ekki að ástæðulausu.
Á föstudag- og laugardagskvöldum má gera ráð fyrir því að hópar séu með eitthvað aðrar áherslur í skemmtun sinni en á öðrum tímum. Þetta getur þýtt t.d. meiri umgang og háhreysti. Við óskum þess að gestir sýni þessu skilning.
Þegar stórviðburðir eru í sjónvarpi má gera ráð fyrir að einn eða fleiri hermar séu teknir undir sjónvarpsáhorf. Við gerum okkar besta til að láta þá sem bóka í golf á sama tíma vita.
Öll pútt eru bein. 🙂
Ekki er tekin ábyrgð á skaða / skemmdum sem villuhögg kunna að valda. Gestir eru á eigin ábyrgð.
Hættu leik í tíma til þess að þeir sem á eftir koma geti byrjað á sínum tíma.
Það tekur nokkrar mínútur að stilla kerfið fyrir hvern leik, sá tími er hluti af bókuðum/greiddum tíma.
Golfhermarnir eru hátæknibúnaður (tölva, skynjarar, myndavél) sem getur bilað (frosið/hangið). Að jafnaði tekur um 3-4 mín. að endursetja búnaðinn. Ef slíkt gerist ítrekað þá bætir Golfklúbburinn þann tíma sem tapast með því að lengja í tímanum sem töfinni nemur – ef því verður ekki komið við, t.d. ef hermirinn er bókaður strax í kjölfarið, þá er veittur afsláttur í formi inneignar sem töfinni nemur.
Ef kerfið frýst, þá er hægt að endurræsa það á nokkrum mínútum, leikurinn sem var í gangi á að koma inn aftur. Ekki er tekin ábyrgð á því ef leikurinn dettur út.
Afsláttur gildir ekki á afslátt ofna – þeir gilda ekki með öðrum tilboðum (fastir tímar, réttir dagsins, happy hour o.s.frv.)

Nánari upplýsingar:

Tölvupóstur: golf@golfklubburinn.is
Sími: 820-9111
Facebook: Golfklúbburinn
Gildir frá 20. sept. 2021
Réttur er áskilinn til þess að breyta verðskrá og skilmálum án fyrirvara. Ekki er tekin ábyrgð á villum í verðskránni.

Komdu inn að leika!